ნინა თიბილაშვილი ბუსანი 2023 მსოფლიო თასის გათამაშების ვერცხლის მედალოსანია. პარა ფარიკაობაში ბუსანში მიმდინარე ტურნირზე, ხმლით ასპარეზობაში თიბილაშვილმა ოთხისთვის შესასვლელი ბრძოლა მოუგო იაპონელ შინო კავაის ანგარიშით 15:6, ორში შესასვლელში დაამარცხა იტალიელი ლორენადა ტრიჯილიასი 15:7, ფინალში ბრძოლა დათმო პოლონელ კინგა დროჟდთან ანგარიშით 15:9 და ვერცხლის მედლის მფლობელი გახდა.
ირმა ხეცურიანი ხმლით ფარიკაობაში ბუსანი 2023 მსოფლიო თასის გათამაშების ბრინჯაოს პრიზიორია. ხეცურიანმა 8-ში შესასვლელ ბრძოლაში კორეელი პარამოფარიკავე დაამარცხა ანგარიშით 15:2 , 4-ში შესასვლელი მოიგო უკრაინელ მოწინააღმდეგესთან 15:14, ნახევარფინალში ბრძოლა დათმო უნგრელ მეცო ბოლგარკასთან ანგარიშით 15:9 და ბრინჯაოს
მედლის მფლობელი გახდა.
.მე 
ბ
საქართველოს ეტლით მოფარიკავე ქალთა ნაკრებმა გუნდმა წარმატებით აიღო სტარტი კორეაში მიმდინარე ბუსანი 2023 მსოფლიო თასის გათამაშებაზე. ჩვენი პარამოფარიკავეები მიმდინარე ტურნირზე ორ დისციპლინაში გამოდიან (რაპირა, ხმალი). ნინა თბილაშვილმა რაპირით ასპარეზობაში ბრინჯაოს მედალი მოუტანა საქართველოს ნაკრებს. თიბილაშვილმა 8-ში შესასვლელი თურქ მოწინააღმდეგეს მოუგო ანგარიშით 15:6, 4 -ში შესასვლელად იტალიელი ტრიჯილიასი დაამარცხა 15:7, ნახევარ ფინალში ბრძოლა დათმო იტალიელ ანდრეა მოგოსთან 15:7 და მესამე ადგილზე გავიდა.
საქართველოს პარა ტაეკვონდოს ნაკრებმა წარმატებით იასპარეზა ევროპის პარა ჩემპიონატზე. როტერდამი 2023-ის ასპარეზობის მე-9-ე დღეს, ჩვენმა პარა ტაეკვონდოისტებმა ანდრეი სლეპცოვმა (-80კგ), გიორგი ზარქუამ ( -80კგ), დავით მაქაძემ (აბსოლიტური) სამი მაღალი სინჯის მედალი მოუტანეს ჩვენს ნაკრებს. ანდრეი სლეპცოვი ოქროს მფლობელი გახდა, გიორგი ზარქუამ ვერცხლის მედალი აიღო, დავით მაქაძე ბრინჯაოს პრიზიორია. ევროპის პარა ჩემპიონატზე საქართველოს პარა ტაეკვონდოს ნაკრების ანგარიშზე სულ 9 მედალია. ამავე ტურნირზე გიორგი ხიზანიშვილი ევროპის პარა ჩემპიონატის ოქროს მფლობელი გახდა, გოგა ხახალაშვილი ვერცხლის მედალოსანია.ჩვენი პარა ტაეკვონდოისტები ლია ჩაჩიბაია და ანა ჯაფარიძე ბრინჯაოს პრიზიორები გახდნენ. ბრინჯაოს მედლები, ასევე გიორგი ნიკოლაძემ და სანდრო მეგრელიშვილმა მოიპოვეს.
საქართველოს უსინათლოთა წოლჭიმის ნაკრების წევრმა მირიან ოგნაძემ ბირმინგემის მსოფლიო ჩემპიონატზე სამჭიდის ჯამში 707,5 კგ. დაძლია და ოქროს მედალს დაეუფლა. ოგნაძემ წოლჭიმში 212,5 კგ აწია და მსოფლიო რეკორდი დაამყარა. გიორგი მაისურაძემ წოლჭიმში 160 კგ. დაძლია და მეორე ადგილზე გავიდა, სამი მოძრაობის ჯამში კი მესამე ადგილი დაიკავა. ზაზა მარტიაშვილი ამავე ტურნირზე წოლჭიმში და სამი მოძრაობის ჯამში ბრინჯაოს მედლების მფლობელი გახდა. დავით დავითური 82კგ. წონით კატეგორიაში, სამჭიდის ჯამში მესამე ადგილზე გავიდა და ბრინჯაოს მედალი მოიპოვა.
დუბაის მსოფლიო ჩემპიონატზე ქართველი პარა ძალოსანი მაკა კვინჩია, ახალგაზრდებს შორის 67 კგ. წონით კატეგორიაში გამოვიდა, 80კგ. დაძლია და ჩემპიონის ტიტული მოიპოვა.
როტერდამის ევროპის პარა ჩემპიონატზე ქართველმა პარა მსროლელმა ლადო ჭინჭარაულმა, პარა სროლაში R4-ში გამართულ ტურნირზე მონაწილე 25 ათლეტს შორის იასპარეზა, საფინალო რვიანში მოსახვედრად 0,5 ქულა დააკლდა და მეცხრე ადგილი დაიკავა. ლადო ჭინჭარაულმა ევროპის პარალიმპიადაზე ამ შედეგით დაასრულა გამოსვლა.
გიორგი ქალდანი როტერდამი 2023-ის ოქროს მედალოსანია. ქართველი პარა ძიუდოისტი ტურნირის პირველივე დღეს ევროპის პარალიმპიური თამაშების გამარჯვებულის და ევროპის ჩემპიონის ტიტულის მფლობელი გახდა. როტერდამი 2023-ის გამარჯვებული და ევროპის ჩემპიონია პარა ძიუდოისტი რევაზ ჩიკოიძეც, ინა ქალდანი ვერცხლის, ლაშა ყიზილაშვილი კი ბრინჯაოს მედლის მფლობელი. რევაზ ჩიკოიძე (+90 კგ),ინა ქალდანი (-70 კგ),ლაშა ყიზილაშვილი (-90 კგ)-ში გამოვიდა. ზურაბ ზურაბიანი და ნუკრი მიღრიჯანაშვილი (J2 -60 კგ) ბრინაჯოს მედლების მფობელები გახდნენ. საქართველოს პარა ძიუდოს ნაკრები ევროპის ჩემპიონატის გუნდური შეჯიბრის ბრინჯაოს პრიზიორია. ევროპის პარა ჩემპიონატზე საქართველოს 7 მედალი აქვს მოპოვებული და ყველა მათგანი პარა ძიუდოს ნაკრების ანგარიშზეა.
ირმა ხეცურიანი ეტლით ფარიკაობაში პოლონეთის მსოფლიო თასის გათამაშების ვერცხლის მედლის მფლობელია. პოლონეთში მიმდინარე მსოფლიო თასის გათამაშებაზე, ხეცურიანმა ხმალში, რვაში შესასვლელი იფარიკავა გერმანელ ჰატერთან და მოუგო ანგარიშით 15:5, ოთხში დაამარცხა ჩინელი მოწინააღმდეგე აო 15:6, ნახევარფინალშიც ხეცურიანმა ჩინელ ქსიაოს აჯობა ანგარიშით 15:12, ფინალური ბრძოლა დათმო იტალიელ პასკუინოსთან 11:15 და მეორე ადგილზე გავიდა.
საქართველოს პარა წოლჭიმის ნაკრები გუნდი წარმატებით ასპარეზობს ვერაკრუზი 2023 (მექსიკა) მსოფლიო თასის გათამაშებაზე. მაკა კვინჩიამ (61კგ) წონაში, ახალგაზრდებში 65 კგ. დაძლია, საერთო და სამი მოძრაობის ჯამში ორი ოქროს მედალი აიღო ნათია გამიდოვამ (-67კგ). 55კგ. აწია და ვერცხლის მედლის მფლობელი გახდა. გამიდოვამ თავისი შედეგებით 55,50 კგ. სამი მოძრაობის ჯამში ოქროს მედალი მოიპოვა. აკაკი ჯინჭარაძე ოქროს მედლის მფლობელია. ჯინჭარაძემ მძიმე წონით კატეგორიაში (+107კგ) წონაში, საერთო ჯამში 226კგ. დაძლია და პირველ ადგილზე გავიდა. ჩვენმა პარასპორტსმენმა ტურნირზე გამოსვლისას 215, 221 კგ. აწია და სამი მოძრაობის ჯამშიც პირველი ადგილი დაიკავა. გიორგი ლაცაბიძემ (+107კგ) წონით კატეგორიაში, საერთო ჯამში 225კგ. დაძლია და ვერცხლის მედალი მოიპოვა. ლაცაბიძემ ტურნირის მსვლელობისას 205, 215კგ. ჩათვალა და სამი მოძრაობის ჯამშიც მეორე ადგილზე გავიდა. ამავე ტურნირზე იაგო გორგოძემ (+107კგ). წონით კატეგორიაში საერთო ჯამში 180კგ. აწია და ბრინჯაოს მედლის მფლობელი გახდა. ტურნირზე გორგოძემ 170,175 კგ. ჩათვალა და სამი მოძრაობის ჯამშიც მესამე ადგილი დაიკავა. შოთა ომარაშვილი და ნინო საბაშვილი ბრინჯაოს მედლების მფლობელები გახდნენ. შოთა ომარაშვილმა (-72კგ) 153კგ. აწია და მესამე ადგილზე გავიდა. ამავე ტურნირზე ნინო საბაშვილმა (-73კგ) 50 და 53კგ. ჩათვალა, წონების შეკრების ჯამში 103 კგ. დააფიქსირა, ბრინჯაოს მედლები მოიპოვა. ვულოცავთ ჩვენს ნაკრებს, მთავარ მწვრთნელს ზურა ციხიშვილს გამარჯვებას და მომავალშიც წარმატებებს ვუსურვებთ.საქართველოს პარა ფეხბურთის ნაკრები გუნდი საწვრთნელ შეკრებას გადის ახალდაბის ბავშვთა საწვრთნელ ბანაკში. მთავარი მწვრთნელი გიორგი ხვედელიძე. აღნიშნული შეკრება “ბათუმი 2023″წლის ამპუტანტ ფეხბურთელთა შორის ტურნირის წინა მოსამზადებელი ეტაპია.
პარა სროლაში კორეაში,ქ. ჩანგვონის 2023 წლის მსოფლიო თასის გათამაშებაზე, რომელშიც 47 ქვეყანა და 227 პარასპორტსმენი იღებს მონაწილეობას, ქართველი პარა მსროლელი ლადო ჭინჭარაული 
პნევმატური შაშხანიდან სროლაში, 632 ქულით მე-7-ე ადგილზე გავიდა,R4 კატეგორიაში პირადი რეკორდი დაამყარა და პერუს მსოფლიო ჩემპიონატისთვის პნევმატურ და ცეცხლსასროლ დისციპლინებში მონაწილეობის საგზური მოიპოვა.
ქალაქ ბათუმში მშვილდოსნობაში გამართულ საქართველოს ჩემპიონატზე, პარა მშვილდოსნებს შორის ჩატარებულ შეჯიბრში,თბილისის ნაკრები გუნდის წევრი ჯუანშერ ჯინჯიხაძე ოქროს მედლის მფლობელი გახდა, მეორე ადგილი აჭარის ნაკრების წევრმა ზვიად დუმბაძემ დაიკავა,ბრინჯაოს მედალი თბილისის გუნდის წევრს გია ბენიძეს ერგო.
.
